Дөньяви караш белән чарланган хәрәкәтләр, гореф-гадәтләребез, музыкаль ритмлы рәсемнәр белән кушылып, уникаль һәм кабатланмас матурлыкны барлыкка китерә - без аны халык биюе яки милли бию дип атыйбыз.

Ноталарны бергә кушкач музыка барлыкка килгән кебек, биюдә дә тормышны ачып күрсәтә торган махсус хәрәкәтләр була. Ә биюнең характерын музыканың яңгырашы һәм кешенең эчке халәте ачып күрсәтә.

Татар милли биюенең төп үзенчәлеге ул аякларның вак хәрәкәтләреннән  тора, алар кайвакыт бик тиз һәм виртуоз итеп башкарыла. Барлыгы 100 дән артык хәрәкәт бар, без аларның берничәсендә тукталырбыз.

Бүлек ахырында , музыканың нигезен һәм характерын аңлагач, аңа килешә торган хәрәкәтләр ясап карарбыз.